Wengimu-wengiku

by ; Amie Williams
Wengimu wengiku kalimput pedhut
Ngranggeh esem rembulan kirana
Kang ngawe-awe nyasmitengtyas
Gya padha malbeng palereman

Mangkana dayaning sirep aguna
Tumama ngena tumus ing rasa
Kekes rumesep telenging nala
Katon kukuh nanging tankuwawa

Ratrimu ratriku mbirat rasa risi
Silih mbabar crita kebak werdi
Nadyan muhung ana gurit niki
Isih bisa nguswa endahing sepi

Bawen, ratrisepi 06022012
Biyung Amie Williams.