Senin, 03 Oktober 2011
Sabtu, 01 Oktober 2011
Dwija Kinasihku
Yen rasa ati iki datan kuwawa
Nelukake kapang jroning ati
Ngeglo ayang-ayangmu ngujiwa
Tangan kumlawe mung nggayuh angin
Geneya aku bisa ngejowantahake impen
Duh nini....
Lelanamu kang tanpa swara
Nyurupake pajaring pandulu
Ndika kan dadi dwijaku
Dwija kinasihku....
Kang tansah ngreksa piwulang tresna
Saiki wus ora nana
Nadyan putih rekmaku
Praptamu tansah dak'antu
dening : Agoeng Sedayu
Senin, 26 September 2011
Emban Kencana
Pangangenku gremet-gremet lumaku
Ing endah warnane gegayuhan ginadhuh
Ing sumrebak gandhane melathi
Kang tumungkul mendhem donga asmara
Mapag mangsa wohing janji wenang diundhuh
Sauntara emban kencana wus ngrenggani drijku sing kiwa, paseksen sulistyaning tresna
Kotabumi, 19-09-2011
Nawang Wulan
Dwija Kinasihku
Yen rasa ati iki datan kuwawa
Nelukake kapang jroning ati
Ngeglo ayang-ayangmu ngujiwa
Tangan kumlawe mung nggayuh angin
Geneya aku bisa ngejowantahake impen
Duh nini....
Lelanamu kang tanpa swara
Nyurupake pajaring pandulu
Ndika kan dadi dwijaku
Dwija kinasihku....
Kang tansah ngreksa piwulang tresna
Saiki wus ora nana
Nadyan putih rekmaku
Praptamu tansah dak'ant
dening : Agoeng Sedayu
Gumantung Awang-awang
dening : Sony Aja
daktakokake marang tangga kulon, jarene ora katon
daktakokake marang pulisi sing jaga prapatan, ora ana wangsulan
daktakokake marang bakul dhawet ayu, mung digeguyu,
daktakokake marang kere pinggir kali, ora mreduli
takon marang sapa?
marang lintang?
o kadohan
marang gunung, marang mendhung, apa marang mega ing akasa?
ah, ora kajangka
dakpecaki dalan ledhu mangsa ketiga
daksandhung, daksaruk, daksepak suket ing pinggir kali
dak luru, mbok manawa isih kari
tansah dakarep-arep wangsulane lintang ing tawang
tansah dakarep-arep wangsulane watu kang setya tuhu
marang kali kang tansah setya ing janji
marang krikil kang tansah dakpecaki sangisore sikil
wasana mung kandha
ora ngerti
ora mreduli
apa tresnamu isih gumantung awang-awang
apa kabuncang katut ing mega malang
apa pancen kudu ngenteni
tumetese bun wanci bedhug ndhrandhang ?
Nganti Tumekaning Pati
dening : Chimin Why
tansah dak endhem rasa iki
kang wis suwe kasimpen ing ati
datan kepengin ngganggu kamardikanmu
amarga sliramu wus ana sing ndarbeni
aku pengin ngandharake rasa iki
ananging...
aku ora tega sliramu cuwa
kabeh kang dak tindhake mung kanggo sliramu
amarga aku tresna marang sliramu
lan dak jaga rasa iki kanggo sliramu
sanadjan sliramu dudu darbeku
nanging sliramu kasimpen ing ati
nganti tumekaning pati
tahsah anyoba nglalekna rasa iki
nanging datan bisa ilang saka wewayanganmu
tansah gumantil ing sajroning ati
nganti tumekaning pati
Kamis, 22 September 2011
Wewayangmu
wewayanganmu tansah ngreridu.
anarabas madyaning kalbu kang suwung,
kalbu kang nuju kapang marang endahing katresnan..
aku mung bisa nyawang
nalika wewayanganmu alon-alon
anrajang barisaning rasa kang sejatine
wis ana kang nduweni..
aku datan kuwawa mbendung ilining rasa,
rasa kapang kang saktemene
nora bakal dadi kasunyatan..
mamey..
Idul Fitri
Ing sisih kulon, nglega cahya mbranang
Ngeterake rina mapag wengi
Swara adzan mbuka rasa
Sanalika gawe grumregahe ati kang rengka
Ngliwati dina dina kang sepa
Kebak panggodha
Jembare jagad ginelare urip
Sadawane pikir sajroning rasa
Ing dina kang suci ''Idhul Fitri''
Lumubere pangapura marang sapadha
Dosa dosa kinapura
Banjire pangampunan saka Gusti Kang Maha Kuwoso
RA, Ponorogo lingsir sore
Rindi Anyndyianingrum
Sawangen
langit ing wengi permanakna lintang
coba renungna sliraku
sliramu bakal nemokake wewayanganku
kelingan syair geguritanmu
banget le lembut lan syahdu nalika dak waca
nanging kenangapa sinareng lakuning wektu
lagi dak mangerteni sliramu dudu darbeku
banget endahing janjimu
pedangmu sawijining ilat
kang anjuwing atiku
kanthi sengaja janji manismu
nate kepengin arep bali
nanging...
kelingan lara ati kang kok wenehi
angel anggonku mbayangke
sliramu dadi pangeling eling
Chimin Why
Ngenteni Tekamu
nalikane udan ing wayah ratri
angin sumribit setyo ngancani
ngadek ing ngarep lawang
ngantu baline sliramu..
dak sawang tumetesing banyu udan
dak rasakne atise angin sumribit
amung nambahi roso kangene ati
nganti tekane mbesuk kapan angonku ngenteni
ngenteni sliramu sing durung mesti bali...
Lila
aku pasrah dadi rembulan
ing saben klawuning wengimu sing madhangi ibering impen-impen kangen,
nalika atimu njekut kalimput pedhut
nyeret panglangutmu samsaya ndadi
sadawaning pangantu-antu tatu.
aku lila dadi bagaskara
sing tansah ngusir bun kang nelesi pipi,
ngangetake adheming rasamu kang dijejuwing sepi,
mekarake panjangka mupusake gegayuhan,
nukulake winihing kinarepan
lan ngluruhake garinge kacuwan.
aku pasrah lan lila
dadi apa wae kang kok kersakake,
janji aja kok pepesake uripmu
nganti pegat oncating sukmamu.
merga pati-urip wis ana garising pinesthi
mung kari rasa pangrasamu kang kudu diresiki.
jkt, selawe juni rongewu songo.
Diek Y. Murdock .
Puspaning ati
Puspa ijenan ngrenggani mbale
Dhewe sesekaran ing omah limasan
Tanpa siter kang ngiringi
Nembangake kinanthi
Ing njaba kartika lan candrakirana
Setya ngancani puspa sesekaran
Ngincup ratri saka tritisan
Iba kapangku nalika tembangmu lunga, nimas
Krana ing wening swaramu
Ing arum pasuryanmu
Nate dak titipake sih katresnanku
Kotabumi, Madya ratri,,,,
@.TW
,,,,,,,,,,,,,,,,,,,,,,,
mbesuk...............
sesuk..................
lan embuh??
sampek kapan.......?
Kabeh ora ono sing
weruh.
Kabeh ora ono sing
ngerti.
Sing ngerti lan weruh amung Gusti kang Moho Kuaso
Sopo........sopo ...........
sopo
sing ora ngresah.!
sing ora sambat.!
Yen koyo ngene kedadehane!
Yen koyo ngene kahanane!
Pasrah..........
Pasrah..........
MUgo kuat.
Mugo sanggup.
............N O M P O.............?
Semu
Panase mawa nora kaya panase atiku
Nyenyete banyu es nora kaya nyenyete atiku
Nora ngira yen sliramu tegel
Nugel punggel sewu angen
Kaendahan kang dak tampa jebul mung semu
Kawigatenmu semu
Esemmu semu
Tumucapmu semu
Lakumu semu
Kapercayanku wus ilang musna
Nora bakal tinemu
Dalan Iki
Dalan iki
Dak ambah kanthi ati semplah
Napaki dina-dina kang tansah teka
Nggawa sangsara
Nggawa panalangsa
Tanpa bisa suwala
Dalan iki
Pating blengkrah
Ati ngregeyong nggendhong sanggan
Matumpa-tumpa tanpa tandha bakal suda
Tanpa juntrung lan tanpa pungkasan
Nanging dalan iki
Isih kaya wingi uni
Pojok Kamar
petenge ratri..
tanpa dian
tanpa kanca
tanpa swara
sepi....
agawe
ati nelonggo
apa salahku..
apa dosaku..
apa panjalukmu..
wis luwih setengah tahun
wis genep pitung sasi
anggomu lungo
tanpo pamit
tanpo pawarto
pojok kamar
dadi saksi
aku isih setyo
ngenteni tekamu.
sanajan tahun gumanti
mongso ketigo
maleh rendeng
nora bakal biso nglunturne rasa tresnaku.
Nduth Haryanto Ituaq
Pepeling
Wis wancine tansah dielingke
Wis wancine padha nindhakake
Adzan wus kumandang wayahe sembahyang
Netepi wajib dhawuhe Pangeran
Sholat dadi cagak ing agama
Limang wektu kudu tansah di jaga
Kanthi istiqhomah lan sing tuma'ninah
Luweh sampurna yen berjema'ah
Subuh luhur lan asyar
Sholat sayekti ngadohke tindhak mungkar
Magrib lan isyak jangkepe
Prayogane ditambah sholat sunate
Jo sembrono iku prentah agama
Ngelingana ning ndunyo mung sedelo
Sabar lan tawakal pasrah Sing Kuasa
Yen kepengen mbesok munggah suarga
Rabu, 27 Juli 2011
Kemerdekaan ini untuk Siapa ?
66 tahun Indonesia merdeka
66 tahun negri ini dirundung duka
Kesejahteraan belum merata
Keadilan belum terasa
Kemerdekaan ini untuk siapa?
Masih banyak rakyat menderita
Hanya sebagai tumbal belaka
Tuk meraih mimpi abdi Negara
Kemerdekaan ini untuk siapa?
Apakah kemerdekaan ini hanya untuk orang yang berada?
Ataukah kemerdekaan ini hanya untuk orang yang kuat?
Ataukah kemerdekaan ini hanya untuk para pejabat?
Ataukah kemerdekaan ini hanya untuk wakil rakyat?
Kemerdekaan ini untuk Siapa
66 tahun Indonesia merdeka
66 tahun negri ini dirundung duka
Kesejahteraan belum merata
Keadilan belum terasa
Kemerdekaan ini untuk siapa?
Masih banyak rakyat menderita
Hanya sebagai tumbal belaka
Tuk meraih mimpi abdi Negara
Kemerdekaan ini untuk siapa?
Apakah kemerdekaan ini hanya untuk orang yang berada?
Ataukah kemerdekaan ini hanya untuk orang yang kuat?
Ataukah kemerdekaan ini hanya untuk para pejabat?
Ataukah kemerdekaan ini hanya untuk wakil rakyat?
Senin, 25 Juli 2011
Donga Panuwunku
Dhuh Allah pangeran kula
Lumuntura sih welas paduka
Dumateng jiwangga kula
Ugi kekiyatan kanggo ngemban sesanggeman
Mrantasi sakeh pepalang
Mentas saking telenging pacoban
Kang trubus samargi - margi
Dhuh gusti
Kang yasa lintang rembulan
Amemasi ratri
Mugi tansah kinanthi rahayu
Kalis saking sambikala
Rawuh dunya dumugi akherat
Nawang Wulan Kangen Iku
Tejo Wulan
Kangen iku mangsa sing ora neng panggone
Kangen iku maling sing ndhelik ana nala
Kangen iku prau sing ana pucuking ombak
Kangen iku paksi sing ora duwe gondhelan pang
Kangen iku curiga kang ora bisa manjing warangka
Kangen iku narmada sing ora bisa tekan samudra
Kangen iku lintang sing ngarep bisa ketemu marang surya
Kangen iku bayu sing ora bisa nggrayah wreksa
Kangen iku marga sing ora tinurut dening turangga
Diajeng aku kangen sliramu .....
Jumat, 10 Juni 2011
Tresna Kang Semu
Dak tulis gurit iki
Nalikane lintang panjerwengi mung kari sak menir
Hawa adem njekut nggugah jiwa ragaku
...Temlawunge rasa panalangsaku nora bisa dak ucapke
Kangmas. . . .
Pancen nora bisa dak selaki
Tresna kang ngrembaka ing telenging jiwa
Mung kanggo sliramu nyawiji
Bakal dak simpen primpen
Kangmas. . . .
Ing wengi iki sunare rembulan endah madhangi jagat
Nanging . . . .
Ing jroning atiku petheng ndedet
Atiku suwung, ragaku liwung
Atiku njerit , atiku mbengok
Tanganku kumlawe nanging wis kadung jimpe
Kangmas. . . .
Tresnamu kang dak puji puji
Jebul mung tresna kang semu
Kudu dak lilakke tresnamu lungo saka atiku
Sanadjan abot nanging aku kudu lilo
Kangmas. . . .
Aku pamit becik jembarake pikir
Nggayuh kabegjan lan katresnan satuhu
Tan nora binagi ing liyan
Sampurna ing geguritan siji
Rindi Anyndyianingrum, 13 April 2011
Banda Dunya
Rerakit lumampahing mangsa
Kang ngukir lembaring dalu rina
...Kaya diuja dening sing kuasa
Yen sinawang pindha ilining bandhang
Banter tan isa kauyak
Mbradat bablas
Tan pinenggak
Raja kaya emas picis raja brana ngampiri
Munjung sinawang memper gunung
Kaya urip kinalungan beja
Sewu pitakon jroning atiku .....
Yen ta mengko seda,,,, apa banda bisa kegawa ???
dening : Tedjo Wulan
Wewayangmu
Kledhang - kledhang teka wewayangmu
Ing sajroning angenku
...Kumlebat endah prastawa semana
Ngegla nglembana ing tlapuking mata
Angel kakipatake
Sliramu,,,,
Priya kang nate nyuntak rasa
Marang lahir lan batinku
Ing limang taun kawuri
Ninggal tilas lan gawa rasa
Uga gawe gela
Mungguh bisa'a
Aku kepingin tekamu sanyata
Nawang wulan, April 2011
Asmara Kingking
dening : Wisnu Murti
jebule' meneng widara uleren,
kang mbuk sandhang,
wis ngerti ye'n aku iki kandhang langit kemul me'ga,
ge'ne'a padma sira tandur ing papanku,
kang nuwuhake' wigena jrone' tyas.
tak penek jajaku,
kanti larase' asmara kinking,
indahe' trustha kang wis rinakit pekik,
dadi gurnita wekasane',
duuhh..juwita ay...u. . .
ge'ne'a te'ga tenan atiMu,
kardi atiku kabulet rasa margiyuh,
apa aku kudu gole'k kembange' mandira,
supaya sliramu ngerte'ni,
mring asmara kinking,
kang wis mbuk tandur,
seke'he' angen2ku ilang,kaya embun sirna,
nalika rawi asung praba,
adyana kang wilis,
mangambar arum larase',
iki mung kari cerita,
wando. . .wandooo. .
apa ira kurang srana,
tansah sinuba turidane' kanduhan,
asmara kinking,
nadyan mengkana mugia dadi ajar kang rasmi,
jrone' aku ngemong lakune' angga,
uga obahe' sikil kang satuhu,
bisa sinartan kembang gandamana..¤¤.
Senin, 23 Mei 2011
Lakumu
Nalika pethenge wengi lumeber ing pucuking ati
Dak sawang kelap kelipe lintang
Jebul mung ngiwi ngiwi
Dak sawang esemme rembulan
Kadya ngece lakuku ing wengi iki
Jumangkahku tanpa arah
Ngadegku nora bisa jejeg
Lakuku kesrimpet srimpet
Ngetutke lakune banyu mili
dening : Rindi Anyndyianingrum
Sabtu, 21 Mei 2011
Pitutur Luhur
Supaya kehidupan berjalan baik, para pinisepuh telah mewariskan pitutur luhur – petuah luhur supaya kita semua tetap berpegang kepada paugeraning urip – tata cara kehidupan luhur, yang secara tradisi selalu dilaksanakan dan dihormati seluruh warga dengan sadar dan mantap
Petuah dan ajaran warisan leluhur Jawa/Nusantara sengaja disebar kemana-mana, tidak berupa sebuah buku tuntunan. Ini dimaksudkan oleh para pinisepuh, supaya anak cucu termasuk penulis dan anda semua mengerti, bahwa belajar dan mencari ilmu itu perlu usaha yang tekun.
Tidak jemu-jemunya para pinisepuh menebarkan ajaran luhur lewat sloka-sloka, tembang-tembang, babad, cerita tutur, peribahasa dll, supaya anak keturunan dimanapun dan kapanpun selalu ingat untuk menjaga perilaku yang baik dan patut, selalu percaya diri, berpegang teguh kepada Budi Pekerti, tatakrama dan tata susila, tidak sombong, sopan dan bersikap rendah hati – andap asor.
Piweling/ ajaran yang utama adalah : Tansah eling marang Pangeran – Selalu ingat kepada Tuhan, sebab Gusti ora sare – karena Tuhan tidak tidur, artinya : mengetahui segalanya.
Petuah lewat peribahasa
Dalam pergaulan sehari-hari, beberapa peribahasa dibawah ini, kiranya masih relevan dan bermanfaat dan bila diperhatikan dan dilaksanakan yang baik dan dihindari yang jelek, akan membuat suasana kehidupan dimasyarakat enak, rukun dan menyenangkan.
Zaman Edan
Salah satu pitutur klasik yang kondang adalah Zaman Edan , karya agung pujangga Ranggawarsita, sebagai berikut :
Amenangi zaman edan
Mengalami zaman edan/gila
Ewuh aya ing pambudi
Serba sulit menentukan perilaku
Melu edan nora tahan
Mau ikutan berbuat gila, tak sampai hati
Yen tan melu anglakoni
Kalau tak ikutan
Boya keduman milik
Tidak kebagian rejeki ( uang, harta)
Kaliren wekasanipun
Jadinya kelaparan
Dilalah karsa Allah
Sudah menjadi kehendak Tuhan
Begja-begajne kang lali, luwih begja kang eling lan waspada
Seberapapun untung yang didapat oleh orang yang lagi lupa, masih lebih bahagia orang yang sadar dan waspada.
Melecehkan kebenaran
Ada zaman yang menyedihkan bagi orang baik-baik, ketika kebenaran dan orang baik-baik dilecehkan, seperti pada ungkapan ini :
Wong bener thenger-thenger,
Wong salah bungah-bungah,
Wong apik ditampik-tampik.
Artinya :
Orang benar jadi susah,
Orang salah malahan senang hidupnya,
Orang baik tidak diterima bahkan diusir.
Dhandhang diunekake kuntul, kuntul diunekake dhandhang.
Yang jahat dibilang baik, yang baik dikatakan jahat.
Ini merupakan gambaran keadaan yang rancu, dimana nilai-nilai moral kejangkitan penyakit.
Sindiran kepada orang tak bermutu
Ada saja orang tak bermutu dizaman apapun, orang-orang yang berlagak sok pintar.
Contohnya :
Kakehan gludhug kurang udan.
Kebanyakan guntur, hujannya sedikit. Artinya kebanyakan ngomong, yang benar sedikit.
Kegedhen endhas kurang uteg.
Kebesaran kepala, otaknya kurang.
Alihan gung
Lagaknya kaya orang gedean, bodoh merasa pintar.
Merak kecancang
Bergaya anggun bak burung merak.
Malang kadhak
Berjalan gaya kesana kemari seperti itik.
Ini adalah gambaran orang yang mendem drajad, pangkat lan semat.
Orang yang mabuk kekuasaan, kedudukan, pangkat dan kekayaan materi.
Murang kara adalah orang yang berperilaku tidak baik seperti koruptor, manipulator, pemeras,yang menyalah gunakan kedudukan untuk mencari uang yang tidak halal.
Micakake wong melek
Orang yang tidak malu atas perbuatannya yang tidak baik, dia anggap semua orang itu buta, tidak tahu akan perbuatannya yang tercela seperti menggerogoti uang negara, memeras dsb.
Mungal mungil adalah orang yang tak punya pendirian.
Ngalem legine gulo
Memuji manisnya gula. Dengan menyanjung orang kaya/berpangkat mengharapkan diberi sesuatu.
Ngantuk nemu kethuk.
Ini gambaran orang malas, tanpa bekerja dapat rejeki.
Anjabung alus
Menipu dengan cara halus.
Keplok ora tombok
Orang yang mencela orang lain dan tidak membantu.
Ilang jarake, kari jaile
Hilang sudah sifat baik, yang ada hanya iri dan dengki.
Tingkah laku orang-orang dinegeri kacau.
Pada sebuah negeri yang tatanannya lagi kacau, diingatkan : Waspada, ada orang atau kelompok yang tidak terpuji perilakunya, seperti :
Ambondhan tanpo ratu
Tidak menghormati tatanan/peraturan, ulahnya mengacau.
Ngalasake negoro..
Negara dianggap hutan, berbuat seenaknya sendiri.
Mampang mumpung
Berbuat semaunya sendiri.
Alesus gumeter
Sengaja menyebarkan berita yang mengacau.
Sawat ambalang kayu
Dinegeri yang tatanannya baru sakit, ada saja peramal yang senangnya mengeluarkan ramalan-ramalan, meski kebanyakan ramalannya tidak benar.
Setan nggowo ting
Setan yang berkeliaran membawa lentera, artinya ada orang yang berkeliaran kesana kesini untuk menghasut dan berbuat jahat.
Caca upa
Berbuat jahat supaya terjadi permusuhan, lalu menyediakan racunnya – Raja wisuna.
Bahni maya pramana
Melakukan kampanye busuk ( black campaign) sambil mencerca dan memaki lawannya.
Arep jamure, emoh watange
Pemalas, maunya hidup enak ,tetapi tidak mau bekerja keras.
Gecul kumpul
Kumpulan para penjahat.
Hadigang
Munculnya para pemimpin yang merasa kuat.
Hadigung
Merasa besar dan kuasa.
Hadiguna
Merasa pandai.
Sementara itu , banyak anak buahnya, pejabat dibawahnya yang tindakannya tidak punya malu :
Rai gedheg.
http://www.blogger.com/img/blank.gif
Mereka suka memeras kawula yang kebanyakan juga hidup susah, sampai kawula tak punya apa-apa, diibaratkan seperti : Pitik trondhol dibubuti .-Ayam yang bulunya jarang, masih juga dibubuti bulunya hingga plonthos, habis semua bulunya.
JagadKejawen,
Suryo S. Negoro
sumber : http://jagadkejawen.com
Petuah dan ajaran warisan leluhur Jawa/Nusantara sengaja disebar kemana-mana, tidak berupa sebuah buku tuntunan. Ini dimaksudkan oleh para pinisepuh, supaya anak cucu termasuk penulis dan anda semua mengerti, bahwa belajar dan mencari ilmu itu perlu usaha yang tekun.
Tidak jemu-jemunya para pinisepuh menebarkan ajaran luhur lewat sloka-sloka, tembang-tembang, babad, cerita tutur, peribahasa dll, supaya anak keturunan dimanapun dan kapanpun selalu ingat untuk menjaga perilaku yang baik dan patut, selalu percaya diri, berpegang teguh kepada Budi Pekerti, tatakrama dan tata susila, tidak sombong, sopan dan bersikap rendah hati – andap asor.
Piweling/ ajaran yang utama adalah : Tansah eling marang Pangeran – Selalu ingat kepada Tuhan, sebab Gusti ora sare – karena Tuhan tidak tidur, artinya : mengetahui segalanya.
Petuah lewat peribahasa
Dalam pergaulan sehari-hari, beberapa peribahasa dibawah ini, kiranya masih relevan dan bermanfaat dan bila diperhatikan dan dilaksanakan yang baik dan dihindari yang jelek, akan membuat suasana kehidupan dimasyarakat enak, rukun dan menyenangkan.
Zaman Edan
Salah satu pitutur klasik yang kondang adalah Zaman Edan , karya agung pujangga Ranggawarsita, sebagai berikut :
Amenangi zaman edan
Mengalami zaman edan/gila
Ewuh aya ing pambudi
Serba sulit menentukan perilaku
Melu edan nora tahan
Mau ikutan berbuat gila, tak sampai hati
Yen tan melu anglakoni
Kalau tak ikutan
Boya keduman milik
Tidak kebagian rejeki ( uang, harta)
Kaliren wekasanipun
Jadinya kelaparan
Dilalah karsa Allah
Sudah menjadi kehendak Tuhan
Begja-begajne kang lali, luwih begja kang eling lan waspada
Seberapapun untung yang didapat oleh orang yang lagi lupa, masih lebih bahagia orang yang sadar dan waspada.
Melecehkan kebenaran
Ada zaman yang menyedihkan bagi orang baik-baik, ketika kebenaran dan orang baik-baik dilecehkan, seperti pada ungkapan ini :
Wong bener thenger-thenger,
Wong salah bungah-bungah,
Wong apik ditampik-tampik.
Artinya :
Orang benar jadi susah,
Orang salah malahan senang hidupnya,
Orang baik tidak diterima bahkan diusir.
Dhandhang diunekake kuntul, kuntul diunekake dhandhang.
Yang jahat dibilang baik, yang baik dikatakan jahat.
Ini merupakan gambaran keadaan yang rancu, dimana nilai-nilai moral kejangkitan penyakit.
Sindiran kepada orang tak bermutu
Ada saja orang tak bermutu dizaman apapun, orang-orang yang berlagak sok pintar.
Contohnya :
Kakehan gludhug kurang udan.
Kebanyakan guntur, hujannya sedikit. Artinya kebanyakan ngomong, yang benar sedikit.
Kegedhen endhas kurang uteg.
Kebesaran kepala, otaknya kurang.
Alihan gung
Lagaknya kaya orang gedean, bodoh merasa pintar.
Merak kecancang
Bergaya anggun bak burung merak.
Malang kadhak
Berjalan gaya kesana kemari seperti itik.
Ini adalah gambaran orang yang mendem drajad, pangkat lan semat.
Orang yang mabuk kekuasaan, kedudukan, pangkat dan kekayaan materi.
Murang kara adalah orang yang berperilaku tidak baik seperti koruptor, manipulator, pemeras,yang menyalah gunakan kedudukan untuk mencari uang yang tidak halal.
Micakake wong melek
Orang yang tidak malu atas perbuatannya yang tidak baik, dia anggap semua orang itu buta, tidak tahu akan perbuatannya yang tercela seperti menggerogoti uang negara, memeras dsb.
Mungal mungil adalah orang yang tak punya pendirian.
Ngalem legine gulo
Memuji manisnya gula. Dengan menyanjung orang kaya/berpangkat mengharapkan diberi sesuatu.
Ngantuk nemu kethuk.
Ini gambaran orang malas, tanpa bekerja dapat rejeki.
Anjabung alus
Menipu dengan cara halus.
Keplok ora tombok
Orang yang mencela orang lain dan tidak membantu.
Ilang jarake, kari jaile
Hilang sudah sifat baik, yang ada hanya iri dan dengki.
Tingkah laku orang-orang dinegeri kacau.
Pada sebuah negeri yang tatanannya lagi kacau, diingatkan : Waspada, ada orang atau kelompok yang tidak terpuji perilakunya, seperti :
Ambondhan tanpo ratu
Tidak menghormati tatanan/peraturan, ulahnya mengacau.
Ngalasake negoro..
Negara dianggap hutan, berbuat seenaknya sendiri.
Mampang mumpung
Berbuat semaunya sendiri.
Alesus gumeter
Sengaja menyebarkan berita yang mengacau.
Sawat ambalang kayu
Dinegeri yang tatanannya baru sakit, ada saja peramal yang senangnya mengeluarkan ramalan-ramalan, meski kebanyakan ramalannya tidak benar.
Setan nggowo ting
Setan yang berkeliaran membawa lentera, artinya ada orang yang berkeliaran kesana kesini untuk menghasut dan berbuat jahat.
Caca upa
Berbuat jahat supaya terjadi permusuhan, lalu menyediakan racunnya – Raja wisuna.
Bahni maya pramana
Melakukan kampanye busuk ( black campaign) sambil mencerca dan memaki lawannya.
Arep jamure, emoh watange
Pemalas, maunya hidup enak ,tetapi tidak mau bekerja keras.
Gecul kumpul
Kumpulan para penjahat.
Hadigang
Munculnya para pemimpin yang merasa kuat.
Hadigung
Merasa besar dan kuasa.
Hadiguna
Merasa pandai.
Sementara itu , banyak anak buahnya, pejabat dibawahnya yang tindakannya tidak punya malu :
Rai gedheg.
http://www.blogger.com/img/blank.gif
Mereka suka memeras kawula yang kebanyakan juga hidup susah, sampai kawula tak punya apa-apa, diibaratkan seperti : Pitik trondhol dibubuti .-Ayam yang bulunya jarang, masih juga dibubuti bulunya hingga plonthos, habis semua bulunya.
JagadKejawen,
Suryo S. Negoro
sumber : http://jagadkejawen.com
Jumat, 20 Mei 2011
Nalika
Nalika aku srengenge
Kowe bumi
Kang gupuh ngiteri lelakon
Tresnamu kangmas
Mrasuk jeroning ati
Nganthi aku sedya dadi bumi
Ning kowe cidra
Milih dadi candra
Sing bisa tak sawang sepisan
Ing purnama
Nalika awakmu nampani srengenge
Sing jelas-jelas dudu aku
07 April 2011
dening : Nawang Wulan
Kowe bumi
Kang gupuh ngiteri lelakon
Tresnamu kangmas
Mrasuk jeroning ati
Nganthi aku sedya dadi bumi
Ning kowe cidra
Milih dadi candra
Sing bisa tak sawang sepisan
Ing purnama
Nalika awakmu nampani srengenge
Sing jelas-jelas dudu aku
07 April 2011
dening : Nawang Wulan
Pangilon
Rumangsaku urip kaya mlaku cepet
Lan nalika aku nyoba weruh raiku dhewe
Ing esuk kang bigar
Lan wengi kang tintrim
Sajroning pangilon
Aku jebul wis salin rupa
Siji mbaka siji
Dipethik saka panggonan kang beda
Rinakit dadi rai anyar
Kang durung ngerti apa jenenge... ?????
Jroning ati aku kandha
Jebule aku wis tuwa
dening : Tejo Wulan
Lan nalika aku nyoba weruh raiku dhewe
Ing esuk kang bigar
Lan wengi kang tintrim
Sajroning pangilon
Aku jebul wis salin rupa
Siji mbaka siji
Dipethik saka panggonan kang beda
Rinakit dadi rai anyar
Kang durung ngerti apa jenenge... ?????
Jroning ati aku kandha
Jebule aku wis tuwa
dening : Tejo Wulan
Pedhut
dening : Rochmat Basuki
ungeling sinom parijatha meksa karsa
lebar leburing karsa
unggal sedya muji kasantikan
sinawung pedhut kang leliwengan
nerak wewalering janji
titis tatas tuntasing karya
mugel prastawa rina lawan wengi
nagih getering arga merapi
pedhut sinawang netra
mancala samodra mancala ardi
kebak surak muncaring surya
pedhut
sinapu maruta
padhanging nalaning jaya
ungeling sinom parijatha meksa karsa
lebar leburing karsa
unggal sedya muji kasantikan
sinawung pedhut kang leliwengan
nerak wewalering janji
titis tatas tuntasing karya
mugel prastawa rina lawan wengi
nagih getering arga merapi
pedhut sinawang netra
mancala samodra mancala ardi
kebak surak muncaring surya
pedhut
sinapu maruta
padhanging nalaning jaya
Banyu
dening : Nardi Sunardi
Banyu,...aku tau golek banyu
kang kena diarani ngangsu
Mangsa ketiga rikala semana biantu ibu
ngangsu ngangga geligik bambu
munggah medhun mlaku lunyu-lunyu
kelingan rikala cilik-anku
aku disengeni bapakku
mergane aku lali ora ngangsu
mulih seko sinau terus turu...
Banyu,...aku tau golek banyu
kang kena diarani ngangsu
Mangsa ketiga rikala semana biantu ibu
ngangsu ngangga geligik bambu
munggah medhun mlaku lunyu-lunyu
kelingan rikala cilik-anku
aku disengeni bapakku
mergane aku lali ora ngangsu
mulih seko sinau terus turu...
Panggurit
Bisa mung sakeplasan
Bisa uga dadi lembaran - lembaran kang tanpa wilangan
Tangan - tangan kang prakosa
Uga tangan - tangan kang tanpa daya
Bisa nyipta tulisan
kang landhepe kagila - gila
Bisa gawe gendra
Utawa aluse ngluwihi sutra
Kang bisa nentremke nala
dening : Tejo Wulan
Bisa uga dadi lembaran - lembaran kang tanpa wilangan
Tangan - tangan kang prakosa
Uga tangan - tangan kang tanpa daya
Bisa nyipta tulisan
kang landhepe kagila - gila
Bisa gawe gendra
Utawa aluse ngluwihi sutra
Kang bisa nentremke nala
dening : Tejo Wulan
Sujudku
dening : Rindi Anyndyianingrum
Wengi kang sepi di padhangi sewu lintang tanpa mega
Lamat lamat keprungu swara endah ing talingan
Kumriciking banyu padasan
Sumelaking sajadah kang banjur ginelar
Duh Gusti
Dak kidungake puji puji syukur
Sujudku, pasrahku ing NgarsaMu
Wutuh kanthi ati lan rasa
Nyuwun ampunan dosa kang tanpa kinira
Sumerbak gandaning arum mlati
Kang dadi panutaning ati
Pinuju mulyaning gesang
Pengarep restuning bumi
Duh Gusti. . . .
Kawulo sujud sunembah ing NgarsaMu
Wengi kang sepi di padhangi sewu lintang tanpa mega
Lamat lamat keprungu swara endah ing talingan
Kumriciking banyu padasan
Sumelaking sajadah kang banjur ginelar
Duh Gusti
Dak kidungake puji puji syukur
Sujudku, pasrahku ing NgarsaMu
Wutuh kanthi ati lan rasa
Nyuwun ampunan dosa kang tanpa kinira
Sumerbak gandaning arum mlati
Kang dadi panutaning ati
Pinuju mulyaning gesang
Pengarep restuning bumi
Duh Gusti. . . .
Kawulo sujud sunembah ing NgarsaMu
Tatu
yen nyawang sliramu
gawang gawang lelakon duk semana
runtik atiku kadya kena siladan
cuwa aku marang sliramu
slira tresna amung samudana
yen nyawang sliramu
njarem atiku
sliramu gawe tatuku
gusti kula amung pasrah
mugi tatu punika kagantos hikmah
dening : Rochmat Basuki
gawang gawang lelakon duk semana
runtik atiku kadya kena siladan
cuwa aku marang sliramu
slira tresna amung samudana
yen nyawang sliramu
njarem atiku
sliramu gawe tatuku
gusti kula amung pasrah
mugi tatu punika kagantos hikmah
dening : Rochmat Basuki
Tapaku
Urip iki mung saderma nglakoni
Luwih becik nyukuri apa kang wus di paringke Gusti
Ora ana jalma kang sampurna ing alam ndonya
Kamongko kasampurnan mung dhuweke Hyang Widi
Kumlawung angen angenku
Uripku tansaya rinasa sepi
Rikala swara swara memuji wus ilang
Nanging anane mung swara swara ngayuwara tanpa rupa
Ing ati iki krasa sisih
Ana sing kurang
Ana kang kaya kaya wus ilang
Wiwit saking wengi wingi
Nalika aku sesideman tanpa swara
Tapaku pancen dudu tapa kang minulya
Ing ngatase aku pengin antuk jatining urip
dening : Rindi Anyndyianingrum
Luwih becik nyukuri apa kang wus di paringke Gusti
Ora ana jalma kang sampurna ing alam ndonya
Kamongko kasampurnan mung dhuweke Hyang Widi
Kumlawung angen angenku
Uripku tansaya rinasa sepi
Rikala swara swara memuji wus ilang
Nanging anane mung swara swara ngayuwara tanpa rupa
Ing ati iki krasa sisih
Ana sing kurang
Ana kang kaya kaya wus ilang
Wiwit saking wengi wingi
Nalika aku sesideman tanpa swara
Tapaku pancen dudu tapa kang minulya
Ing ngatase aku pengin antuk jatining urip
dening : Rindi Anyndyianingrum
Paweling Marang Putraku
Ngger, cah bagus......
Gucengana lan pedomanana paweling iki
Titahing jalma manungsa ing marcapada
Tan ono jalmo linuwih
Kajobo mung linuwihe Gusti ...
Tan ono jalmo luput
Kajobo mung kaluputane dewe
Eling mring paweling
Aja rumangsa bisa
Ning bisa'a rumangsa
Ngulat sariro hangroso wani
iku luwih pinuji.....
dening : Tejo Wulan
Gucengana lan pedomanana paweling iki
Titahing jalma manungsa ing marcapada
Tan ono jalmo linuwih
Kajobo mung linuwihe Gusti ...
Tan ono jalmo luput
Kajobo mung kaluputane dewe
Eling mring paweling
Aja rumangsa bisa
Ning bisa'a rumangsa
Ngulat sariro hangroso wani
iku luwih pinuji.....
dening : Tejo Wulan
Kamis, 19 Mei 2011
PAWELING KANGGO PUTRAKU
Putraku .....
Sun kudang bisa'a nggayuh lintang
Aja tumoleh yen durung biso ngranggeh
Tebahna dadha ... jembarna paseduluran
Aja keladuk sesongaran
Mundak karoban mungsuh.....
Elinga,.....?!
Sepira dohe urip lan mati kuwi ?
Mung sak nyari
Sakwise kuwi kabeh padha ketriwal
Bandha donya ... Lunga
Drajat pangkat ... Minggat
Kadang kinasih ... sedulur sinarawedi
Memule pamrih ... ngoncati
Kari roh sing arep nyawiji marang gusti
Mula piwelingku,........
Aja gampang kebidhung ngoyak ibere sulung,
Lamun kebacut mlebu geni, mundhak keduwung !!!
03 April 2011
dening ; Nawang Wulan
Sun kudang bisa'a nggayuh lintang
Aja tumoleh yen durung biso ngranggeh
Tebahna dadha ... jembarna paseduluran
Aja keladuk sesongaran
Mundak karoban mungsuh.....
Elinga,.....?!
Sepira dohe urip lan mati kuwi ?
Mung sak nyari
Sakwise kuwi kabeh padha ketriwal
Bandha donya ... Lunga
Drajat pangkat ... Minggat
Kadang kinasih ... sedulur sinarawedi
Memule pamrih ... ngoncati
Kari roh sing arep nyawiji marang gusti
Mula piwelingku,........
Aja gampang kebidhung ngoyak ibere sulung,
Lamun kebacut mlebu geni, mundhak keduwung !!!
03 April 2011
dening ; Nawang Wulan
ILMU
dening ; Nardi Sunardi
Menapa leres angil tinemu?
Gusti Kanjeng Nabi pun paring sabda
bilih kita kersa begja ing maya padha
inggih sarana ilmu pun sira asta
ugi samangke ing tembe kala
pramila mangga para kadhang sedaya
kita tansah ngudi ilmu trumaping dunya
tuwin agami
mugi Gusti Sang Hyang Dumadi
paring barokah dumateng sutresna
ing wahana serat menika....
Amin......
Menapa leres angil tinemu?
Gusti Kanjeng Nabi pun paring sabda
bilih kita kersa begja ing maya padha
inggih sarana ilmu pun sira asta
ugi samangke ing tembe kala
pramila mangga para kadhang sedaya
kita tansah ngudi ilmu trumaping dunya
tuwin agami
mugi Gusti Sang Hyang Dumadi
paring barokah dumateng sutresna
ing wahana serat menika....
Amin......
GURIT KAGEM BIYUNG
Saben awan ndrandang
Aku bisa ngitungi lintang
Ing mongso rendheng
Aku bisa mbendung udan timbreng
Nanging biyung. . . .
Aku ora bisa ngukur tresnamu
Tresna kang kadya sunare rembulan ing pojoking atiku
Kang tansah madangi lakuku tumekan pati
Enem belas taon kapungkur
Ing sawijining dina
Aku kudu kelangan ndika
Biyung ndika kudu bali ing Ngarsani Gusti
Kembeng kembeng waspaku
Saben aku sujud sinembah marang Gustiku
Eluh tumetes kadya iline banyu
Rasa panalangsaku nora bisa dak gurit
Biyung. . . .
Tanpa ndika aku kaya wong bingung
linglung
Atiku suwung
Biyung . . . .
Dak tulis gurit lungit sumingit kagem ndika
Minangka bekti tresna asih kawula
dening ; Rindi Anyndyianingrum
Aku bisa ngitungi lintang
Ing mongso rendheng
Aku bisa mbendung udan timbreng
Nanging biyung. . . .
Aku ora bisa ngukur tresnamu
Tresna kang kadya sunare rembulan ing pojoking atiku
Kang tansah madangi lakuku tumekan pati
Enem belas taon kapungkur
Ing sawijining dina
Aku kudu kelangan ndika
Biyung ndika kudu bali ing Ngarsani Gusti
Kembeng kembeng waspaku
Saben aku sujud sinembah marang Gustiku
Eluh tumetes kadya iline banyu
Rasa panalangsaku nora bisa dak gurit
Biyung. . . .
Tanpa ndika aku kaya wong bingung
linglung
Atiku suwung
Biyung . . . .
Dak tulis gurit lungit sumingit kagem ndika
Minangka bekti tresna asih kawula
dening ; Rindi Anyndyianingrum
pucuking kembang
Pinggiring kedhung tuwuh kembang setaman
aruming ngambar-ambar
nggoda pandulu sinugata renaning netra
nguncalake getering rasa sinawung ombake ati
Pinggiring kedhung maruta sumilir
kembang setaman tumiba ing bumi
ilang aruming salira
pinda lolosing rasa kang cuwa
pinggiring kedhung katon mendhung
bakal tumuruning toya bening
lumintir karsa
asung cubriya
ooo pucuking kembang setaman
dening ; Rochmad Basuki
aruming ngambar-ambar
nggoda pandulu sinugata renaning netra
nguncalake getering rasa sinawung ombake ati
Pinggiring kedhung maruta sumilir
kembang setaman tumiba ing bumi
ilang aruming salira
pinda lolosing rasa kang cuwa
pinggiring kedhung katon mendhung
bakal tumuruning toya bening
lumintir karsa
asung cubriya
ooo pucuking kembang setaman
dening ; Rochmad Basuki
Rabu, 18 Mei 2011
"NJAREME KATRESNAN"
Lelakon kang wus kapungkur..
Angel bisa mungkur..
Snajan akeh sing gawe panglipur..
Nalika Ngucap janji suci.
Tak simpen Jroning ati.
Ora ngira bakal kablenjani.
Kabeh mau merga kahanan.
Kw tega ngajak pisahan.
Bandha donya sing dadi ukuran.
Saiki pancen wis padha bebrayan
Nanging aku tansah kelingan
Rasane njarem...njarem tenan
Tuban, 04 Mei 2011
dening ; Sujarwo Bimo Raharjo
Angel bisa mungkur..
Snajan akeh sing gawe panglipur..
Nalika Ngucap janji suci.
Tak simpen Jroning ati.
Ora ngira bakal kablenjani.
Kabeh mau merga kahanan.
Kw tega ngajak pisahan.
Bandha donya sing dadi ukuran.
Saiki pancen wis padha bebrayan
Nanging aku tansah kelingan
Rasane njarem...njarem tenan
Tuban, 04 Mei 2011
dening ; Sujarwo Bimo Raharjo
NGENTENI
Ing sawijining wengi
Mung kekancan sepi
Nglangut ati tanpa tepi
Sumerbak gandaning arum mlati
Kang dadi panutaning
Minangka tanda tresna janji suci
Lintang rembulan kang nyekseni
Tresna iki nora bakal binagi
Nanging saiki sliramu neng ngendi ?
Neng kene aku tansah setya ngenteni. . . .
20 Maret, 2011
dening ; Rindi Anyndyianingrum
Mung kekancan sepi
Nglangut ati tanpa tepi
Sumerbak gandaning arum mlati
Kang dadi panutaning
Minangka tanda tresna janji suci
Lintang rembulan kang nyekseni
Tresna iki nora bakal binagi
Nanging saiki sliramu neng ngendi ?
Neng kene aku tansah setya ngenteni. . . .
20 Maret, 2011
dening ; Rindi Anyndyianingrum
ANGEN
dening ; Nawang Wulan
Sliramu lan sliraku
Kadya mega lan maruta
Reruntungan
Gegandhengan
Banjur pepisahan
Tak tebah dodho roso rudho nelongso
Ratan krikil ledu kang ndadekake seseg ing dodho
Nrabas dawane wengi nglari ilining wektu
Njangkah angen nguyak impene ati
Kakang...
sejatine aku tansah dadi putihe uyah
Tan bakal pisah karo biru banyuning segaramu
Sliramu lan sliraku
Kadya mega lan maruta
Reruntungan
Gegandhengan
Banjur pepisahan
Tak tebah dodho roso rudho nelongso
Ratan krikil ledu kang ndadekake seseg ing dodho
Nrabas dawane wengi nglari ilining wektu
Njangkah angen nguyak impene ati
Kakang...
sejatine aku tansah dadi putihe uyah
Tan bakal pisah karo biru banyuning segaramu
Apa Aku Salah
dening ; Rindi Anyndyianingrum
Pancen bener aku lan sliramu bedo
Critamu bedo, critaku ugo bedo
Apa salah yen aku ngantu antu rawuhmu
Apa aku salah yen saben saben kepungru swaramu
Banjur gragapan golek cekelan
Apa aku salah yen sak wayah wayah nunggu wartamu
Kang kumleyang kagawa angin
Lan temangsang ing pucuk pucuk ranti
Dinamu lan dinaku pancen bedo
Apa aku salah
yen aku duwe gegayuhan
Critaku ,critamu padha padha. . . .
Pancen bener aku lan sliramu bedo
Critamu bedo, critaku ugo bedo
Apa salah yen aku ngantu antu rawuhmu
Apa aku salah yen saben saben kepungru swaramu
Banjur gragapan golek cekelan
Apa aku salah yen sak wayah wayah nunggu wartamu
Kang kumleyang kagawa angin
Lan temangsang ing pucuk pucuk ranti
Dinamu lan dinaku pancen bedo
Apa aku salah
yen aku duwe gegayuhan
Critaku ,critamu padha padha. . . .
TRESNA IKI
Sak pungkurmu teka ing plataraning atiku
Sak wuse rinonce kembanging asmoro kang endah
Srengenge isuk kang mlethek ing atiku sumunar
Mertakake dina ora bakal kamendungan
Wiwit ko'kandakake tresna iku
Liwat kali dak kintirke prau godong pring
Amrih bisa lelayaran aneng segaraning atimu…
Apepayon langit ing pucuking alun
Banjur dak tunggu tekane nggawa warta
Sajroning ati iki kakang.....
Ana panandhang kirane mung kowe sing biso mangerteni
Liwat getering angin kang sumilir
Sedawaning sepi lan laku tak critakake
Yen ta ... sak mengko bakal nyawiji
dening : Nawang Wulan
Sak wuse rinonce kembanging asmoro kang endah
Srengenge isuk kang mlethek ing atiku sumunar
Mertakake dina ora bakal kamendungan
Wiwit ko'kandakake tresna iku
Liwat kali dak kintirke prau godong pring
Amrih bisa lelayaran aneng segaraning atimu…
Apepayon langit ing pucuking alun
Banjur dak tunggu tekane nggawa warta
Sajroning ati iki kakang.....
Ana panandhang kirane mung kowe sing biso mangerteni
Liwat getering angin kang sumilir
Sedawaning sepi lan laku tak critakake
Yen ta ... sak mengko bakal nyawiji
dening : Nawang Wulan
LUMITING ASMARA
Langit mendung kabendung suwung
Tan sinawang mega malang
Ambruk bubruk rubuh linglung
Ora nguniaga sangkan paraning Sang Agesang
Mbrabat. . . sempal. . .maju
Sumebar ing tawang
Suwening suwe
Atiku sansoyo bingung
Mbuh aku ra weruh kahanan kang wus tak sandang
Gusti. . . .
Kaya ngene rasa kang kapendem
Kasimpen tanpo pandeleng
Dina dina ngatoni esemu ngrerindu ati
Ra jenak dolan. . .ra duyan mangan
Kapanta ketemu sliramu
Nganti nangis aku nunggu
Asmara rinucik batinku
Aku tresna mring sliramu. . . .
dening : Rindi Anyndyianingrum
Tan sinawang mega malang
Ambruk bubruk rubuh linglung
Ora nguniaga sangkan paraning Sang Agesang
Mbrabat. . . sempal. . .maju
Sumebar ing tawang
Suwening suwe
Atiku sansoyo bingung
Mbuh aku ra weruh kahanan kang wus tak sandang
Gusti. . . .
Kaya ngene rasa kang kapendem
Kasimpen tanpo pandeleng
Dina dina ngatoni esemu ngrerindu ati
Ra jenak dolan. . .ra duyan mangan
Kapanta ketemu sliramu
Nganti nangis aku nunggu
Asmara rinucik batinku
Aku tresna mring sliramu. . . .
dening : Rindi Anyndyianingrum
KIDUNG POTRETMU
dening : Tedjo Wulan
Iba bungahing atiku
Yen nyawang gambarmu
Ora kaya - kaya....
Sliramu ana ing ngarepku
Sawang - sinawan tan ana kang kumecap
Sun ranggeh gambarira
Sun seleh nduwuring jaja
Kinenembus jroning atiku
Dhuh ... wong manis
Swaramu keprungu aris
Gawe atiku sansaya miris
Kadya wayah kang lagi grimis
Sun aras gambarira
Dadiya pepujaning kalbu
Kang tansah anglelipur
Mring garinging atiku
Iba bungahing atiku
Yen nyawang gambarmu
Ora kaya - kaya....
Sliramu ana ing ngarepku
Sawang - sinawan tan ana kang kumecap
Sun ranggeh gambarira
Sun seleh nduwuring jaja
Kinenembus jroning atiku
Dhuh ... wong manis
Swaramu keprungu aris
Gawe atiku sansaya miris
Kadya wayah kang lagi grimis
Sun aras gambarira
Dadiya pepujaning kalbu
Kang tansah anglelipur
Mring garinging atiku
Selasa, 19 April 2011
Tanpo Judul
Ndut Haryanto, 10 April 2011
sliramu adoh kadyo rembulan
sanajan adoh tansah tak roso sunarmu
madangi petenge ing wayah ratri
nanging...
sliramu cedak kadyo angin
tansah biso tak roso tekamu
nanging ora biso tak candak
ugo moto ora biso nyawang wujudmu
opo salahku kudu tak liwati bengi iki...
pancen endah mergo sunarmu tansah madangi atiku
nanging kudu tak roso ademe angin wengi iki
nujem jero tumekane balung
cah ayu...
sliramu kadyo endahe rembulan
ugo anyep kadyo angin wengi
sliramu adoh kadyo rembulan
sanajan adoh tansah tak roso sunarmu
madangi petenge ing wayah ratri
nanging...
sliramu cedak kadyo angin
tansah biso tak roso tekamu
nanging ora biso tak candak
ugo moto ora biso nyawang wujudmu
opo salahku kudu tak liwati bengi iki...
pancen endah mergo sunarmu tansah madangi atiku
nanging kudu tak roso ademe angin wengi iki
nujem jero tumekane balung
cah ayu...
sliramu kadyo endahe rembulan
ugo anyep kadyo angin wengi
PANJERITE' ATI
Nalika tak laras pasuryaMu
tak sawang tukul taman kang asri,
kae' pantisari awe'-awe' kita e'nggal rumaket,
Nimaass. .
Sawangen toh kae',sawangen kae' para mina pada lelomban andum katresnan,ing pojoke' sendang taman,nanging ge'ne'a rasa iki mung kandek ing core'tan gambar wit-witan,oyote' semrawut mbulet karep
Tak wolak walik bantalku,tak kipatake' kemulku,tak gole'ki sliraMu ing cepitane' bayang,sliraMu panggah samar ora nyata,nadyan wis tak suwir-suwir petenge' wengi.
Duuhh..Gusti..
Ye'n kepareng kula nyuwun,mugi-mugi e'nggal nyata secotya ne' nala,supados paring sentir,mring ati kula ingkang kados jrone' pase'tran,
saiki aku wis e'ling,wis sadar Nimaass..ora tak se'laki,ora tak ukiri wong ayuu. .ye'n aku tresna sliraMu.
Rugokake' Nimaass. .iki panjerite' atiku,,¤¤
Wisnu Murti, 15 April 2011
tak sawang tukul taman kang asri,
kae' pantisari awe'-awe' kita e'nggal rumaket,
Nimaass. .
Sawangen toh kae',sawangen kae' para mina pada lelomban andum katresnan,ing pojoke' sendang taman,nanging ge'ne'a rasa iki mung kandek ing core'tan gambar wit-witan,oyote' semrawut mbulet karep
Tak wolak walik bantalku,tak kipatake' kemulku,tak gole'ki sliraMu ing cepitane' bayang,sliraMu panggah samar ora nyata,nadyan wis tak suwir-suwir petenge' wengi.
Duuhh..Gusti..
Ye'n kepareng kula nyuwun,mugi-mugi e'nggal nyata secotya ne' nala,supados paring sentir,mring ati kula ingkang kados jrone' pase'tran,
saiki aku wis e'ling,wis sadar Nimaass..ora tak se'laki,ora tak ukiri wong ayuu. .ye'n aku tresna sliraMu.
Rugokake' Nimaass. .iki panjerite' atiku,,¤¤
Wisnu Murti, 15 April 2011
Mungguh Bisa
Tresna iki,,,
Nadyan tumekane kapan
Galih sekar kirani katresnanku
Sawiji ora bakal sirna sangka ati
Rina ilang tumeka ing wengi
Mungguh wektu bisa bali kawuri
Aku lila,,,
Yen ta kudu dak tebus pupusing nyawa
Nadyan mung sedhela
Nadyan tresna iki ora bakal nyawiji
Nadyan ora kudu tak duweni
dening : Tejo Wulan
Nadyan tumekane kapan
Galih sekar kirani katresnanku
Sawiji ora bakal sirna sangka ati
Rina ilang tumeka ing wengi
Mungguh wektu bisa bali kawuri
Aku lila,,,
Yen ta kudu dak tebus pupusing nyawa
Nadyan mung sedhela
Nadyan tresna iki ora bakal nyawiji
Nadyan ora kudu tak duweni
dening : Tejo Wulan
URIP TANPA RASA
Nalika uripe nemu rubedo
Sesambate ngaluara
Kadya gunung bakal jugruk
Nalika swara kang tumucap wis ora di percaya
Kadya urip tanpa mbejaji
Padhange rahina dirasa tanpa srengenge
Lakune ngetutke obahe ati kang kebendung suwung
Yen wengi tumeko
Mung nyawang kumerlipe lintang ing angkasa
Angen angen sansoyo nglombro
Sunare rembulan tan bisa mandhangi atimu kang sansoyo ndhedet
Ing jagad lelimengan
Tumekane kapan uripmu tanpa rasa
Urip tanpa werno
Sawangen kae ing taman sari
Kembang mlati katon endah
uripe katon subur
Nadyan mung kesiram tetesing embun
Ahad, 2011
dening : Rindi Anyndyianingrum
Sesambate ngaluara
Kadya gunung bakal jugruk
Nalika swara kang tumucap wis ora di percaya
Kadya urip tanpa mbejaji
Padhange rahina dirasa tanpa srengenge
Lakune ngetutke obahe ati kang kebendung suwung
Yen wengi tumeko
Mung nyawang kumerlipe lintang ing angkasa
Angen angen sansoyo nglombro
Sunare rembulan tan bisa mandhangi atimu kang sansoyo ndhedet
Ing jagad lelimengan
Tumekane kapan uripmu tanpa rasa
Urip tanpa werno
Sawangen kae ing taman sari
Kembang mlati katon endah
uripe katon subur
Nadyan mung kesiram tetesing embun
Ahad, 2011
dening : Rindi Anyndyianingrum
SUWUNG
Klaten, Ahad 2011
dening : Sejuk Ditengah Gurun
Aku koyo wong bingung
Pikiranku ugo melu linglung
Amargo ora biso nguntapke unek unek kang kabendung
Mlaku mrono mrene tansah kesandung sandung
Pingin rasane guluku tak jiret dadung
Duh gusti kenging menopo gesang kulo katön kedawung dawung
Duh gusti sedanten pniko npo pacoban ingkang kulo lampahi hanamung,
Kulo suwun pacoban puniko ampun ngantos kedlarung dlarung...
AMIN
dening : Sejuk Ditengah Gurun
Aku koyo wong bingung
Pikiranku ugo melu linglung
Amargo ora biso nguntapke unek unek kang kabendung
Mlaku mrono mrene tansah kesandung sandung
Pingin rasane guluku tak jiret dadung
Duh gusti kenging menopo gesang kulo katön kedawung dawung
Duh gusti sedanten pniko npo pacoban ingkang kulo lampahi hanamung,
Kulo suwun pacoban puniko ampun ngantos kedlarung dlarung...
AMIN
Senin, 28 Maret 2011
SWARAMU....
nalika kuping krungu swaramu
lirih gawe gregele atiku
ngelingake wewayah sing wis kepungkur
mergo krungu swaramu
tangan gemeter nganti tekane sikelhttp://www.blogger.com/img/blank.gif
awak gobyos koyo dene adus kringet
ora kroso eluh tumetes nelesi pipi
aku pengin mbengok,
aku pengin kondho,
aku pengin nangis,
aku pengin njerit,
nanging aku isin
Karanganyar, 28 Februari 2011
dening Ndut Haryanto
lirih gawe gregele atiku
ngelingake wewayah sing wis kepungkur
mergo krungu swaramu
tangan gemeter nganti tekane sikelhttp://www.blogger.com/img/blank.gif
awak gobyos koyo dene adus kringet
ora kroso eluh tumetes nelesi pipi
aku pengin mbengok,
aku pengin kondho,
aku pengin nangis,
aku pengin njerit,
nanging aku isin
Karanganyar, 28 Februari 2011
dening Ndut Haryanto
Jumat, 11 Maret 2011
Layang Sing Kapitu
Wis tak waca makaping - kaping layangmu sing kapitu
Tembung-tembungmu kadya kapas salju
Rinasa manis kaya ing segara madu
Nyumrambah kalbuning hubbu
Ganda Arum mangaru-biru
Nawang wulanku kang lagi merindu
Upama wektu biso cepet lumaku
kang daksabrangi lautan biru
butuh enggal bisa ketemu sliramu
Ngusadhani roso kang wus ora kuwawu
Aku ngerti surasane.............
Aku ngerti kekarepane.........
Januari, 2011
dening Tejo Wulan
Tembung-tembungmu kadya kapas salju
Rinasa manis kaya ing segara madu
Nyumrambah kalbuning hubbu
Ganda Arum mangaru-biru
Nawang wulanku kang lagi merindu
Upama wektu biso cepet lumaku
kang daksabrangi lautan biru
butuh enggal bisa ketemu sliramu
Ngusadhani roso kang wus ora kuwawu
Aku ngerti surasane.............
Aku ngerti kekarepane.........
Januari, 2011
dening Tejo Wulan
Cahyaning Jiwa
Ing sajroning atiku
Ora nganti dak pindho-pindho
Ora nganti dak rasa-rasa
Atiku kawit mbiyen nganti seprene
Nora binagi marang liyan
Siji nyawiji
Yo mung kanggo sliramu
Yo sisihanku NUR cahyoning jiwoku
Lakumu mangendi bae
Tetep tak kanthi
Awit wis kasurat jenengmu kanggo aku
Nganti angslupe jagatku
Nggayuh urip sampurno
Ing jagad royo....
dening Rindi Anyndyianingrum
Ponorogo, Januari 2011
Ora nganti dak pindho-pindho
Ora nganti dak rasa-rasa
Atiku kawit mbiyen nganti seprene
Nora binagi marang liyan
Siji nyawiji
Yo mung kanggo sliramu
Yo sisihanku NUR cahyoning jiwoku
Lakumu mangendi bae
Tetep tak kanthi
Awit wis kasurat jenengmu kanggo aku
Nganti angslupe jagatku
Nggayuh urip sampurno
Ing jagad royo....
dening Rindi Anyndyianingrum
Ponorogo, Januari 2011
Gurit
Gurit iki tak ripta
bareng klawan osiking nala
kang rumangsa cuwa
merga tresnamu kang duraka
Gurit iki tak ripta
bareng marang kekesing jiwa
kang kaya dene tanpa daya
merga cindra gonmu prasetya
Gurit iki tak ripta
bareng marang sayahing asta
kang kaya dene wus ra kuwawa
nyeratake rasa ing dlancang seto
Solok, Feb 2011
dening Mamey Way
bareng klawan osiking nala
kang rumangsa cuwa
merga tresnamu kang duraka
Gurit iki tak ripta
bareng marang kekesing jiwa
kang kaya dene tanpa daya
merga cindra gonmu prasetya
Gurit iki tak ripta
bareng marang sayahing asta
kang kaya dene wus ra kuwawa
nyeratake rasa ing dlancang seto
Solok, Feb 2011
dening Mamey Way
Selasa, 22 Februari 2011
............ S A M B A T ..........
Aku kudu kandha apa?
Saweneh pitakonan saur-manuk nampeg rasa
Aku kudu menyang endi?
Jangkah wis kebacut tekan prapatan
Ngetan durung mesthi katekan
Ngidul ora tamtu kabul
Yen ngulon durung mesthi klakon
Lamun ngalor, lupute luhur bakal asor
Aku kudu piye?
Sikil iki wis ora kuwat pijer mbegegeg tanpa kajat
keli kaya larahan ing kali
sadawane dalan kang tinlusur
babar pisan ora ana sasmita
Wayangan mangsa saya cetha
netra lan lathi ora kuwawa negesi
apa kang dadi gregeting ati
mung siji kang bisa kadhadha
kabeh iku mung saderma nglakoni
27 Desember 2010 jam 9:29,
dening Tejo Wulan
Saweneh pitakonan saur-manuk nampeg rasa
Aku kudu menyang endi?
Jangkah wis kebacut tekan prapatan
Ngetan durung mesthi katekan
Ngidul ora tamtu kabul
Yen ngulon durung mesthi klakon
Lamun ngalor, lupute luhur bakal asor
Aku kudu piye?
Sikil iki wis ora kuwat pijer mbegegeg tanpa kajat
keli kaya larahan ing kali
sadawane dalan kang tinlusur
babar pisan ora ana sasmita
Wayangan mangsa saya cetha
netra lan lathi ora kuwawa negesi
apa kang dadi gregeting ati
mung siji kang bisa kadhadha
kabeh iku mung saderma nglakoni
27 Desember 2010 jam 9:29,
dening Tejo Wulan
..........TRESNA KANG PUNGKASAN..........
Ambyor rasa sih tresnaku marang sliramu
Ora dak para-para, ora dak pilah-pilah
Katresnan kang mbok bondhot godhong jati
Kang tuwuh ing lorodan yuswa kang saya pungkas
Kabeh tuntas dak simpen rapet dadi katresnan jati
Kabeh linambaran iklas kang tuwuh sajroning ati
Binarung wangine sekar melati rinonce
kang dak pasrahke marang sliramu
21 Desember 2010,
dening : Nawang Wulan
Ora dak para-para, ora dak pilah-pilah
Katresnan kang mbok bondhot godhong jati
Kang tuwuh ing lorodan yuswa kang saya pungkas
Kabeh tuntas dak simpen rapet dadi katresnan jati
Kabeh linambaran iklas kang tuwuh sajroning ati
Binarung wangine sekar melati rinonce
kang dak pasrahke marang sliramu
21 Desember 2010,
dening : Nawang Wulan
Selasa, 08 Februari 2011
Manungsa
dening : Gatotkulit Gajahlampung
Nalika urip lagi mulya
Manungsa klakon kaya Buto
Bekasakan, Srakah, karepe dewe
Gustine banjur dilalekake
Ananging yen lagi rekasa
Manungsa meh ngungkuli Dewa
Rina wengi, sila ora tangi-tangi
Ndhodhok ndheprok, ndonga nyuwun rejeki
Manungsa, mbok yo pada elinga
Manungsa, Manunggale Rasa
Manungsa, Elinga marang Gusti
Kang sumimpen ing jeroning Ati
Wus dadi garisan ing donya
Wong urip kuwi kaya Roda
Nek dhong mumbul aja pada sembrana
Sing ati-ati den prayitna
Nalika urip lagi mulya
Manungsa klakon kaya Buto
Bekasakan, Srakah, karepe dewe
Gustine banjur dilalekake
Ananging yen lagi rekasa
Manungsa meh ngungkuli Dewa
Rina wengi, sila ora tangi-tangi
Ndhodhok ndheprok, ndonga nyuwun rejeki
Manungsa, mbok yo pada elinga
Manungsa, Manunggale Rasa
Manungsa, Elinga marang Gusti
Kang sumimpen ing jeroning Ati
Wus dadi garisan ing donya
Wong urip kuwi kaya Roda
Nek dhong mumbul aja pada sembrana
Sing ati-ati den prayitna
Niat Suci
dening ; Rindi Antikasari
Atiku.....
Ngambang kaya layangan
Mobat mabit neng dhuwur mega
...Udan tangis
Kang tansah nyiram jiwa ragaku
Kaya bledek nyamber
Kang tansah dadi lelakonku
Rina wengi tansah memuji
Duuuuhh Gusti....
Paringono kekiatan
Anggen kawulo jumangkah
Ngayuh niat ingkang suci
Pikanthuk tresna sejati
kang tuhu
tulus lahir bathin
Nganti tumekaning pati....
Atiku.....
Ngambang kaya layangan
Mobat mabit neng dhuwur mega
...Udan tangis
Kang tansah nyiram jiwa ragaku
Kaya bledek nyamber
Kang tansah dadi lelakonku
Rina wengi tansah memuji
Duuuuhh Gusti....
Paringono kekiatan
Anggen kawulo jumangkah
Ngayuh niat ingkang suci
Pikanthuk tresna sejati
kang tuhu
tulus lahir bathin
Nganti tumekaning pati....
Sepi.......
dening ; Diajeng Ayu
Iki sepine sopo
kathik ono sepi sepo
langit peteng kagubeng
dening mendung
tanpa angin tanpa wicara
tanpa lagon tanpa gendhing
Sliramu ono ngendi
tanpa warta
sliramu opa isih tresna
nadyan getir rasaning ati
tansah dak antu tekamu
Iki sepine sopo
kathik ono sepi sepo
langit peteng kagubeng
dening mendung
tanpa angin tanpa wicara
tanpa lagon tanpa gendhing
Sliramu ono ngendi
tanpa warta
sliramu opa isih tresna
nadyan getir rasaning ati
tansah dak antu tekamu
Sabtu, 05 Februari 2011
Sepi
yen aku dhong lungguhan
dheke kang dadi seksi
yen aku dhong miwir lintang
dheke iku kang ngancani
yen aku dhong takon werdine urip
dheke kang ngewangi ngudharai
yen aku dhong tak tik tak tik
dheweke ora lungsi ngguyoni
lan setia ngandhani terusna kang
menawa ana asile kena nggo tuku kotang
ora ana wong cubriya.
dening : Yono HS
Semarang, 12 April 1994
(Pustaka Candra. Edisi 193 1996/1997)
dheke kang dadi seksi
yen aku dhong miwir lintang
dheke iku kang ngancani
yen aku dhong takon werdine urip
dheke kang ngewangi ngudharai
yen aku dhong tak tik tak tik
dheweke ora lungsi ngguyoni
lan setia ngandhani terusna kang
menawa ana asile kena nggo tuku kotang
ora ana wong cubriya.
dening : Yono HS
Semarang, 12 April 1994
(Pustaka Candra. Edisi 193 1996/1997)
Langganan:
Postingan (Atom)