Ora Nyana

 Dening : Agus Sedayu

Aku kadya tansah kelingan
Samangsa sukmaku isih manjing jroning raga
Nalika dak gegem lathimu ing wayah sore

Hananging, ??!

Ora suwe kembange ati wus dadi garing
Tugel karanan tanganmu
Musna kabeh pangarep-arep
Adem jroning ati saiki mung dadi dongengan

Ora nyana, ?! aku ora ngira, ?!

Sasuwe iki mung rasa keranta
Yo mung ampas sing ana gegemanku
Hamung getir sing saiki dak rasa
Nang endi bakal dak simpen
Ijone godhong kang wis dadi klaras.

Dwija Kinasihku

Yen rasa ati iki datan kuwawa
Nelukake kapang jroning ati
Ngeglo ayang-ayangmu ngujiwa
Tangan kumlawe mung nggayuh angin
Geneya aku bisa ngejowantahake impen

Duh nini....
Lelanamu kang tanpa swara
Nyurupake pajaring pandulu
Ndika kan dadi dwijaku
Dwija kinasihku....
Kang tansah ngreksa piwulang tresna
Saiki wus ora nana

Nadyan putih rekmaku
Praptamu tansah dak'antu

dening : Agoeng Sedayu