Wedhak Pupur

by  Agoeng Sedayu

Sakathahing wong wadon padha lelumban
Den repotna anggawe topeng
Pupur benges uba rampene

Ahhh....
Bojoku uga melu tetopengan
Gawe pangling marang praupane
Dak goleki neng loteng
Ono tritisan...Nganti ing ngisor longan
Nanging tan ketemu
Margo aku lali pasuryane

Dakupadi mlebu mal-mal
Daktemokke maneh wong-wong wadon liya
Padha nganggo wedhak pupur nganti kaya wulung
Arum gandane kaya kembang telon
Agawe atiku drodhog.