dening : nardlenk
Dak ungak esemmu kang cinathet ana kekayon
Kanggo pepeling yen aku tansah bekti marang endahe katresnan
Kang tinandur jroning ati
Mrajak semi kaya jamur tukul wayah rendheng.......
Dak tembus miringe gedhong tuwa nganggo landhepe katresnan
Siniram rasa endah kang tineba selaning lathi
Nalika bumi pertiwi lagi mlaku nembus dhuhkitane kembang kacang
Katresnan iki ora bakal luntur mring ombyaking krida
Dak aras lathimu nganggo legine dhandhanggula
Ngrerintih ana sela-selane gempilane manah kang tansah cinathet
Dening jiwa suci katresnan......
Aku mung saderma manungsa lumrah....
Muga Gusti paring kemurahan gegayuhan iki....
Tidak ada komentar:
Posting Komentar