Durung

karipta dening ; Kang Raden

apa wis ana kabar
anginku kang sumilir?

pancet wae kaya wingi uni
isih mlompong kaya kayu growong

apa wis tok kirim pawarta dhek semana?
kowe manthuk karo mesem

banjur ngapa kowe mrene?
ajeg manthuk kaya wingi kae

mbok gage ndang digawa mrene
pakabaran wingi kae
amung mesem karo ngethut lambe

umpama wis tak tampa kabar gumbira kuwi
aku banjur nanggab wayang sedina sewengi

aku karo mesem ngguyu
karoban ing segara madu

anginku kang sumilir........

( 250914,sliramu )